Մինչ այս օրերին Ազգային ժողովի դարպասների առջեւ ընթացող հանրահավաքի մասնակիցները պահանջում են վարչապետ Նիկոլ Փաշինյանի հրաժարականն ու Ազգային ժողովի ընդդիմադիր խմբակցություններին՝ «Հայաստան» ու «Պատիվ ունեմ» խմբակցության ներակայցուցիչներից ինպիչմենտի գործընթաց սկսել, ընդդիմադիրները ներքին պայքար են տանում, թե ո՛ւմ թեկնածությունն են առաջադրելու:
Սեպտեմբերի 15-ի գիշերը, երբ Ազգային ժողովի մոտ հավաքված մարդիկ ընդդիմադիր պատգամավորների առջեւ հստակ պահանջ են դրած եղել, թե հենց այս պահին ներկայացրեք ինպիչմենտի փաստաթուղթը, թե՛ «Հայաստան», թե՛ «Պատիվ ունեմ» խմբակցության ներկայացուցիչները երկար ժամանակ կամուկացի մեջ են եղել հենց թեկնածու առաջադրելու հարցի հետ կապված: Բանն այն է, որ ՀՅԴ Գերագույն մարմնի ներկայացուցիչ Իշխան Սաղաթելյանի համոզմամբ՝ հենց ինքը պետք է լինի վարչապետի թեկնածուն: Նրա այդ համոզմանն (եթե անգամ չեն կիսում) արտաքուստ աջակցում են խմբակցության դաշնակցական թեւի ներկայացուցիչները: Վահե Հակոբյանի թիմակիցները, բնականաբար, իրենց կուսառաջնորդին են որպես ապագա վարչապետ դիտարկում: Դե իսկ ՀՀ երկրորդ նախագահ Ռոբերտ Քոչարյանի թիմակիցներն էլ համոզված են՝ եթե անգամ Քոչարյանը չէ վարչապետի թեկնածուն, ապա հենց նրա «դաբրոյով» առաջարկված մեկը պետք է լինի: Ինչ վերաբերում է «Պատիվ ունեմ» խմբակցությանը, ապա նրանք սեփական թեկնածու չունեն, քանի որ ՀՀ երրորդ նախագահ Սերժ Սարգսյանը որեւէ մեկին առաջադրել չի ուզում: «Ազգի» տեղեկություններով՝ հենց սա է պատճառը, որ սեպտեմբերի 14-ին Ազգային ժողովում մի քանի ժամ՝ մոտ 3, ապա նոր միայն ստորագրություններով թուղթ ստորագերլու պատճառը հենց սա է եղել՝ վարչապետի թեկնածուի բացակայությունն ու ոչ միասնական դիրքորոշումը: Ընդդիմադիրներն, ի վերջո, գտել են լուծումը, այն է՝ թեկնածուի հարցը թողնել ժողովրդի ուսերին ու ասել, թե մենք անհրաժեշտ ստորագրությունները տվել ենք, մնացածը դուք որոշեք:
ՍԵՎԱԿ ՎԱՐԴՈՒՄՅԱՆ
