Եվրոպական նոր բանաձեւ՝ Բաքվին ուղղված կոչով

Եվրոպական խորհրդարանի ընդունած հերթական բանաձեւը կոչ է անում Ադրբեջանին՝ անհապաղ ազատ արձակել երկրի բանտերում պահվող քաղբանտարկյալներին: Միաժամանակ ուղերձ է արվում Եվրոպական հանձնաժողովին՝ սառեցնելու Ադրբեջանի հետ էներգետիկ համագործակցությունը, ապագայում ուզած համագործակցություն պայմանավորելով քաղբանտարկյալների ազատ արձակմամբ եւ մարդու իրավունքների ընդհանուր իրավիճակի բարելավմամբ: Խոսք է գնում նաեւ մարդու իրավունքների խախտումներ թույլ տված պաշտոնյաների նկատմամբ պատժամիջոցներ կիրառելու մասին: Բանաձեւն, իհարկե, խորհրդատվական է, սակայն նշանակալից, քանի որ այն Բաքվում Կլիմայի փոփոխության մասին ՄԱԿ-ի շրջանակային կոնվենցիայի համաժողովի անցկացումը անհամատեղելի է համարում Ադրբեջանում մարդու իրավունքների շարունակական խախտման հետ: