Հոկտեմբերի 1-ին Հայաստանի նկարիչների միությունում տեղի ունեցավ Գագիկ Ղազարյանի անհատական ցուցահանդեսը, որտեղ ներկայացվեցին քանդակ եւ գրաֆիկական աշխատանքներ:
Գագիկ Հովհաննեսի Ղազարյանը 1965-ին ավարտել է Երեւանի Գեղարվեստի ուսունմնարանը, 1972 թվականին՝ Լենինգրադի գեղանկարչության, քանդակագործության եւ ճարտարապետության ինստիտուտը: 1977 թվականից դասավանդում է Երեւանի գեղարվեստի ակադեմիայում: Ստեղծել է դեկորատիվ-մոնումենտալ գործեր:
Մինչեւ ցուցահանդեսի բացվելը՝ Նկարիչների միության նախագահ Սուրեն Սաֆարյանը ներկայացրեց նկարչին:
– Գագիկ Ղազարյանն իր կյանքը նվիրել է արվեստին: Մարդ, որը սովորելով դրսում, ունենալով լայն հնարավորություններ, վերադարձել է իր հայրենիք ՝ ստեղծագործելու եւ ապրեցնելու իր ժողովրդին: Մարդ՝ որի հետ կարող ես շփվել եվ վերցնել միայն դրականը,- ասաց Սուրեն Սաֆարյանը:
Միջոցառմանն ներկա էր նաեւ ՀՀ Ժողովրդական նկարիչ, քանդակագործ Էդիկ Բաղդասարյանը:
– Գագիկ Ղազարյանի գործերը մնալու են պատմության մեջ: Ունի բարձարժեք , մեծածավալ գործեր, որոնք պետք է գնահատել իմանալ,- ասաց քանդակագործը:
Գույների լեզվով խոսող այս նկարիչը, հիմնականում նկարում է գեր կանանց, ինչո՞ւ: Այդ հարցին պատասխանելով նկարիչն ասաց, որ նրանք, իրոք, գեղեցկուհիներ են, եւ ինքը նկարել է «կյանքն ինչպես որ է» սկզբունքով:
Նկարիչի խոսքերով՝ պատերազմից հետո շատ բարդ է դարձել նկարելը, մտքերը կտավին հանձնելը:
Գագիկ Ղազարյանի գործերը տեղադրված են նաեւ Մոսկվայում, Յալթայում, Իջեւանում, Արցախում, Փոթիում: Սա իր առաջին ցուցահանդեսն է Նկարիչների տանը:
ԿԱՐԱՊԵՏՅԱՆ ՍՈՖՅԱ
ՀՊՄՀ, Լրագրության 2-րդ կուրս
