Հայ գիտական հանրությունը ծանր կորուստ կրեց: Կյանքի 65-րդ տարում կյանքից հեռացավ տաղանդաշատ գիտնական, վաստակաշատ եւ ազնիվ մտավորական, ՀՀ ԳԱԱ թղթակից անդամ, տնտեսագիտության դոկտոր,պրոֆեսոր, ՀՀ ԳԱԱ Մ.Քոթանյանի անվան տնտեսագիտության ինստիտուտի երկարամյա տնօրեն Վլադիմիր Լիպարիտի Հարությունյանը:
Ծնվել է 1957թ. մայիսի 21-ին Լոռու մարզի Քարինջ գյուղում:1979թ.գերազանցությամբ ավարտել է Երեւանի ժողովրդական տնտեսության ինստիտուտը`ապա` ընդունվել ասպիրանտուրա: Զբաղեցրել է պատասխանատու պաշտոններ. ֆինանսական,հարկային,բանկային,արտադրական ու գիտական ոլորտներում: Դոկտորական ատենախոսություն պաշտպանել է 2004թ., պրոֆեսորի կոչում ստացել է 2007թ.:Պրոֆեսոր Հարությունյանի հետաքրքրությունների շրջանակը շատ լայն էր ու արժեքավոր:Նա թողեց գիտական հսկայական ժառանգություն:
Գիտակրթական ոլորտում անուրանալի ծառայությունների համար 2010թ. ընտրվել է ՀՀ ԳԱԱ թղթակից անդամ: Դասախոսել է ՀՊՏՀ-ում եւ ԵՊՀ-ում: 2013 պարգեւատրվել է «Մովսես Խորենացի» մեդալով, 2014թ., 2016թ. եւ 2018թ. «Արդյունավետ գիտաշխատող» մրցույթների հաղթող է: 27 մենագրության եւ ավելի քան 140 գիտական հոդվածների հեղինակ է: ՀՀ կառավարությանն է ներկայացրել 15 կիրառական առաջարկություններ,ունի 5 տասնյակից ավելի պաշտպանած ասպիրանտներ ու հայցորդներ:Նրա պատասխանատվությամբ նախապատրաստվել եւ հրապարակվել են գիտական հոդվածների թվով 21 ժողովածուներ:
ՀՀ ԳԱԱ գիտական կոլեկտիվը խորը կսկիծով սգում է մեծ գիտնական, պրոֆեսոր, ՀՀ ԳԱԱ թղթակից անդամ Վլադիմիր Հարությունյանի անժամանակ մահը եւ վշտակցում նրա հարազատներին եւ մտերիմներին:
ՀՀ ԳԱԱ «Հայագիտության եւ հասարակական գիտությունների» բաժանմունք
ՀՀ ԳԱԱ Մ. Քոթանյանի անվան տնտեսագիտության ինստիտուտ
