Մարտի 22-ին Էրֆուրտում կայացել է բեռլինաբնակ բանասեր, սոցիոլոգ, իրավապաշտպան պրոֆեսոր Թեսսա Հոֆմաննի Արցախի մասին դասախոսությունը, որի վերնագիրն է՝ «Ժողովուրդ՝ առանց երկրի, երկիր՝ առանց ժողովրդի»: Հոֆմաննը նկատել է տվել, որ ԼՂ հակամարտության մեջ նվազ կարեւոր գործոն չէ հանքերին տիրելը, իսկ «Ադրբեջանի ախորժակը դեռ չի փակվել»: Բանախոսության ընթացքում ունկնդիրները Հայաստանում բռնագաղթից հետո ապաստանած արցախցիների կարիքների համար դրամահավաք են նախաձեռնել: Հավաքված մոտ 1000 եվրոն ուղղվելու է Սյունիքի զարգացման ՀԿ-ին, ինչպես մարտի 26-ի համարում տեղեկացնում է Թյուրինգիայի տեղական լրատուն՝ արցախցիներին օգնել ցանկացողների համար լրատվությանը կից տրամադրելով էլփոստի մի հասցե:
ԱՆԱՀԻՏ ՀՈՎՍԵՓՅԱՆ
Գերմանիա
