ՀՀ-ում էներգետիկ անվտանգության տեսակետից կարեւոր նշանակություն ունի այլընտրանքային էներգիայի աղբյուրների օգտագործումը: Հայաստաը արեւոտ օրեր շատ ունի: ՀՀ Լոռու մարզում շահագործվել է արդյունաբերական մասշտաբի արեւային էլեկտրակայան: Նախագծի գլխավոր ֆինանսավորողն Արմսվիսբանկն է, որը աջակցում է Հայաստանի անցմանը դեպի կայուն էներգետիկ ապագա: Արեւային էլեկտրակայանի հզորությունը 2440 ԿՎտ է: Այն տարեկան կարտադրի մինչեւ 4.0 միլիոն ԿՎտժ էլեկտրական էներգիա: Այսքան էներգիա ջերմային էլեկտրակայաններում արտադրելու դեպքում կօգտագործվեր մոտ հազար տոննա օրգանական վառելիք, շրջակա միջավայր կարտանետվեր հսկայական քանակությամբ ազոտի եւ ծծբի օքսիդներ, այլ թունավոր նյութեր: Վերականգնվող էներգիայի այս ծավալն զգալիորեն կնպաստի Հայաստանի ածխածնային արտանետումների կրճատմանը եւ տարեկան կտնտեսի մոտ 1,8 տոննա ածխաթթու գազի արտանետում:
«ՍՏԵԼԼԱՐ ԷՆԵՐՋԻ» արեւային էլեկտրակայանի կառուցումը անշուշտ իր նպաստը կբերի մեր երկրի էներգետիկ անվտանգության ապահովմանը: Այն կօգնի ավելի էներգիա արտադրել եւ նվազեցնել կախվածությունը արտաքին էներգիայի աղբյուրներից, ինչն էլ կբերի կանաչ տնտեսության զարգացմանը մեր երկրում:
ՍՏԵՓԱՆ ՊԱՊԻԿՅԱՆ
Ռուսաստանի բնագիտության ակադեմիայի պրոֆեսոր
