Գյումրիում «Վեոլիա Ջուր» ընկերությունը սկսել է բակային պոմպակայանների արդիականացման մեծածավալ ծրագիր: Քաղաքում գործող 48 բակային պոմպակայանների կեսդարյա վաղեմության եւ հաճախ վթարվող 24 պոմպ արդեն փոխարինվել է գերմանական ժամանակակից «Վիլո» ֆիրմայի պոմպերով: Արդյունքում Գյումրիի 49 շենքի հարյուրավոր բաժանորդներ նախկին 6-8 ժամվա փոխարեն այժմ ունեն 18-19 ժամ կանոնավոր ջրամատակարարում:
«Վեոլիա Ջուր» ՓԲԸ սպասարկում է մայրաքաղաք Երեւանը, 45 այլ քաղաքներ, 334 գյուղեր: Ընդամենը՝ 380 բնակավայր: Դրանից բացի, այն մեծածախ ջրամատակարարման ծառայություններ է մատուցում 76 բնակավայրի: Ընդհանուր առմամբ ընկերությունը սպասարկում է 805 000 բաժանորդի, որից ակտիվ է 622 000 բաժանորդ:
Հարկ է նշել, որ «Վեոլիա Ջուր» ընկերությունն շուրջ 2900 աշխատակիցներով հանձն է առել ապահովել սպասարկման տարածքի խմելու ջրի արտադրության եւ վաճառքի, կեղտաջրերի մաքրման համակարգերի կառավարումը, բնակավայրերի բաշխիչ ցանցերի արդյունավետության բարձրացումն ու զարգացումը:
Շնորհիվ համակարգում պարբերաբար իրականացվող ներդրումային ծրագրերի՝ գրանցվում են նոր ձեռքբերումներ սպառողների կարիքների բավարարման, ջրամատակարարման տեւողության բարելավման համար:
ՍՏԵՓԱՆ ՊԱՊԻԿՅԱՆ
