«Իրականում հայ-ամերիկյան օրակարգը զարգացում չի կրում: Միացյալ Նահանգները մեր տարածաշրջանում շահեր ունի եւ դրանցով պայմանավորված է ակտիվացնում իր գործունեությունը Հարավային Կովկասում: Եթե նկատել եք, երկկողմ հարաբերությունների օրակարգ չկա, երկկողմ հարաբերությունները պտտվում են ՀՀ-ին հատկացվող ամերիկյան օգնության շուրջ: Սա իհարկե բարդացնում է հարաբերությունների օրակարգը, եւ եթե նկատել եք, այստեղ շատ կարեւոր մի հանգամանք կա՝ Միացյալ Նահանգների պաշտոնյաների դեպի Հայաստան բազմաթիվ այցելությունները հիմնականում պտտվում են օրակարգային երկու հարցի շուրջ՝ հայ-թուրքական հարաբերություններ եւ հայ-ադրբեջանական հարաբերությունների կարգավորում: Քաղաքականությունը մեծ հաշվով տարածաշրջանային է, ոչ թե երկկողմ», մեր ծավալուն հարցազրույցում կարծիք է հայտնում ամերիկագետ Սուրեն Սարգսյանը: Նրա հետ Անահիտ Հովսեփյանի զրույցը կհրապարակենք «Ազգ»ի առաջիկա համարում:
ԽՄԲԱԳՐՈՒԹՅՈՒՆ
