2022 թվականի մայիսի 21-ին, Ստեփանակերտի Անդրեյ Սախարովի անունը կրող թիվ 8 ավագ դպրոցում տեղի է ունեցել ռուս ֆիզիկոս, իրավապաշտպան, քաղաքական գործիչ Անդրեյ Սախարովի արձանի բացման հանդիսավոր արարողությունը:
Արձանի տեղադրումը նվիրված էր Ա.Սախարովի 101-ամյակին: Հեղինակը Գրիգորի Պոտոցկին է, իսկ նախաձեռնության հովանավորը` «Տաշիր» բարեգոր-ծական հիմնադրամը: Գրիգորի Պոտոցկու քանդակները տեղադրված են աշխարհի շատ երկրներում:
Հարկ է նշել,որ դպրոցը Ա. Սախարովի անունը կրում է 1988-89 ուսումնական տարվանից սկսած` մանկավարժական խորհրդի նախաձեռնությամբ:
Միջոցառմանը մասնակցել են ԱՀ պաշտոնատար անձինք և բազմաթիվ հյուրեր:
Ստեփան ՊԱՊԻԿՅԱՆ
