Հայկական ազգանուններ Ռախմանինովի մրցույթում

63

Հունիսի 14-ին Մոսկվայի պետական կոնսերվատորիայում եւ Մոսկվայի պետական ակադեմիական ֆիլհարմոնիայում մեկնարկել է Սերգեյ Ռախմանինովի անվան դաշնակահարների, կոմպոզիտորների եւ դիրիժորների միջազգային մրցույթը: Ներկայացվել է 529 հայտ աշխարհի 33 երկրներից, այդ թվում՝ Հայաստանից: Ու թեեւ Հայաստանը ներկայացնողներ չկան մրցույթում, մասնակիցների մեջ առկա են Ռուսաստանը ներկայացնող հետեւյալ հայկական անունները՝ Եվա Գեւորգյան, Իլյա Պապոյան, Կոնստանտին Խաչիկյան (դաշնակահարներ), Գուրգեն Պետրոսյան, Արման Տիգրանյան (դիրիժորներ), Քրիստինա Հովհաննիսյան (կոմպոզիտոր): Հայաստանը ներկայացված է ժյուրիում՝ ի դեմս կոմպոզիտորական ժյուրիի անդամ, Երեւանի պետական կոնսերվատորիայի պրոֆեսոր Միխայիլ Կոկժաեւի: Ի դեպ, դիրիժորական մրցույթի ժյուրիի կազմի անդամ է հայազգի ամերիկյան երաժիշտ Ջորջ Փեհլիվանյանը:                                          

Ա. Բ.