2025-ի օգոստոսի 27-ին կաթոլիկական «Դոմռադիոն» հենց վերոնշյալ վերնագրով է անդրադարձել Երուսաղեմի պատրիարքարանի դեմ հայ համայնքի երեքշաբթի օրը՝ օգոստոսի 26-ին հրապարակային նոր բողոքին, որի առիթը Հին քաղաքում հողային գործարքի եւս մեկ դեպքի մասին իրազեկ դառնալն է: Գաղտնի բանակցությունների, նոր գործարքի վերաբերյալ է ծանուցում կաթոլիկական լրատուն: «Փրկեք հայկական թաղամասը» ակտիվիստների խումբը, սաղիմահայության այլ ներկայացուցիչներ մեղադրել են Պատրիարքարանին՝ համայնքի շահերի, Սուրբ Երկրում նրա դարավոր ներկայության եւ ամբողջ հայ ազգի դեմ գործելու մեջ: Հայտնի էր, որ Պատրիարքարանի եւ հրեա-ավստրալիացի մասնավոր ներդրողի միջեւ 2020-ին կնքված վարձակալության պայմանագիրը խախտում էր Պատրիարքարանի կանոնադրությունը, ուստի թե՛ վերջինս, թե՛ հայ համայնքը փորձում են դատական գործընթացների միջոցով ստանալ վարձակալության անվավերության մասին հայտարարություն: Այժմ սակայն սաղիմահայությունը մեղադրում է Պատրիարքարանին ներդրողի հետ համայնքից գաղտնի մեկ այլ համաձայնագրի շուրջ բանակցություններ վարելու մեջ, որն «առավել վտանգավոր է, քան նախորդ անօրինական համաձայնագիրը»:
ԱՆԱՀԻՏ ՀՈՎՍԵՓՅԱՆ
Գերմանիա
Լուսանկարը՝ «Դոմռադիոյի», հեղինակ՝ Jean-Matthieu Gautier ( KNA)
