Իրաքի խորհրդարանը մայիսի 26-ին միաձայն դեմ է քվեարկել Իսրայելի հետ հարաբերությունները նորմալացնելու վերաբերյալ օրինագծին։ Տեղական INA պետական գործակալությանը հղում անելով, գերմանական dpa-ի տարածած լուրն իրազեկում է, թե Իրաքում այսուհետ արգելվում է Իսրայելի եւ այդ երկրում բնակվողների հետ որեւէ առնչություն։ Ծանր պատիժ, անգամ մահապատիժ է սպառնում նույնիսկ հարազատների, ընկերների հետ չաթով հաղորդակցության պարագայում։ Օրենքը վերաբերում է նաեւ Իրաքում գործող արտասահմանյան հաստատություններին, անհատներին, որոնց նույնպես պատիժը չի շրջանցի, եթե պարզվի, որ կապ են պահպանում Իսրայելի հետ։ «Հակասեմականությունն Իրաքում աճում է, մի բուռ հրեա է այդ երկրում մնացել», ծանուցում է Գերմանիայում լույս տեսնող հրեական «Յուդիշե ալգեմայնե» շաբաթաթերթը։
ԱՆԱՀԻՏ ՀՈՎՍԵՓՅԱՆ
Գերմանիա
Լուսանկարում՝ Բաղդադի փողոցներում տոնում են Իսրայելի հետ հարաբերությունները նորմալացնելու դեմ Իրաքի խորհրդարանի ընդունած օրենքը:
