Բացվել է Ազնավուրի հուշարձանը Վառնայում

26

Բուլղարիայում, Վառնայի «Սոյեդինենիե» հրապարակում, հանդիսավորությամբ բացվել է Շառլ Ազնավուրի հուշարձանը:Հուշարձանի բացման նախաձեռնության հեղինակները «Ազնավուր» հիմնադրամը եւ Հայկական բարեգործական ընդհանուր միության Վառնայի գրասենյակն են: Հուշարձանի հեղինակը բուլղարացի  քանդակագործ Կրասիմիր Անգելովն է:

Հուշարձանի օրհնության կարգ է կատարել Հայ եկեղեցու Ռումինիայի թեմի առաջնորդ, Բուլղարիայի թեմի առաջնորդական փոխանորդ, Բալկանյան երկրներում Հայրապետական նորանշանակ պատվիրակ Տաթեւ եպիսկոպոս Հակոբյանը:

Բանախոսները ներկայացրել են Ազնավուր երգչին ու արվեստագետին, շնորհակալություն հայտնել Վառնայի իշխանություններին միջոցառմանը աջակցելու համար:

Հուշարձանին նախորդել էր 20 օր  առաջ Ազնավուրին նվիրված լուսանկարչական ցուցահանդեսի  բացումը:

Ստեփան  ՊԱՊԻԿՅԱՆ