ՍԵՐԺ ՍԱՐԳՍՅԱՆՆ ՈՒ ԲԱԿՈ ՍԱՀԱԿՅԱՆԸ ԽՈՐՀՐԴԱԿՑԵԼ ԵՆ
Այն ժամանակ, երբ Իլհամ Ալիեւը Դուբայում ակտիվ հանգստանում է, նախագահ Սերժ Սարգսյանը մեկնել է Արցախ: Նախագահ Բակո Սահակյանը Ստեփանակերտի օդանավակայանում դիմավորել է նախագահ Սարգսյանին:
Արցախի կենտրոնական շրջանում տեղակայված զորամասերից մեկում նախագահները ներկա են գտնվել նոր զորանոցի բացման արարողությանը:
Նույն օրն Արցախի եւ Հայաստանի նախագահները ԼՂՀ պաշտպանության նախարարությունում հրավիրել են խորհրդակցություն Պաշտպանության բանակի բարձրագույն հրամկազմի մասնակցությամբ, որի ընթացքում քննարկվել են բանակաշինությանը եւ սահմաններում տիրող իրավիճակին վերաբերող հարցեր:
Սերժ Սարգսյանը Ստեփանակերտ է մեկնել ուղղաթիռով, ոչ թե Երեւան-Ստեփանակերտ առաջին ինքնաթիռով, բայց սաՙ իմիջիայլոց:
