«Իսլամական պետություն – Վիլայաթ Խորասան» ահաբեկչական խմբավորումը ստանձնել է աֆղանական Կունդուզ նահանգի շիա մզկիթում տեղի ունեցած պայթյունի պատասխանատվությունը, հաղորդում է France-Presse գործակալությունը՝ վկայակոչելով խմբավորման հայտարարությունը:
Խմբավորումը հայտնել է, որ պայթյունն իրականացվել է ամբոխի մեջ գտնվող մահապարտ-ահաբեկչի կողմից, որը կրել է պայթուցիկով գոտի:
Ավելի վաղ ականատեսը ՌԻԱ գործակալությանը հայտնել էր, որ պայթյունի հետևանքով զոհվել է ավելի քան 100 մարդ, շատերը վիրավորվել են: Նշվել է, որ բոլոր զոհվածներն ու տուժածները մզկիթն այցելող մարդիկ էին:
