ՆԱՏՕ-ի գլխավոր քարտուղար Յենս Ստոլտենբերգը խոստովանել է, որ դաշինքն այժմ ավելի փոքր լծակներ ունի արմատական «Թալիբանի» վրա և այլևս ի վիճակի չէ իրական ճնշում գործադրել զինյալների վրա:
«Մենք, իհարկե, դեռևս ունենք լծակներ: Դրանք ավելի քիչ են, քան նախկինում, բայց զրոյի չեն հասցվել», – ասել է Ստոլտենբերգը՝ ելույթ ունենալով Ջորջթաունի համալսարանում: Դաշինքի գլխավոր քարտուղարը նաև հայտարարել է, որ չի ցանկանա որևէ հույս կապել թալիբների հետ Աֆղանստանում վերջիններիս իշխանության բռնազավթումից հետո, սակայն ընդգծել է, որ ՆԱՏՕ-ն որոշակի ակնկալիքներ ունի թալիբների ապագա քաղաքականության վերաբերյալ, հայտնում է ՌԻԱ գործակալությունը:
