Իրանական կողմը պատրաստ է Թեհրանում անցկացնել Աֆղանստանի հարևան պետությունների արտաքին գործերի նախարարների հանդիպումը: ՏԱՍՍ-ի փոխանցմամբ, այս մասին Twitter-ում գրել է Իրանի ԱԳՆ Արևմտյան Ասիայի դեպարտամենտի ղեկավար Ռասուլ Մուսավին:
«Իրանը ողջունել է Պակիստանի արտգործնախարարի [Մեհմուդ Քուրեշի] գաղափարը՝ Աֆղանստանի հարևան երկրների հանդիպումն անցկացնել արտգործնախարարների մակարդակով և հայտարարել է այն Թեհրանում անցկացնելու պատրաստակամության մասին», ասել է նա:
Քուրեշին հինգշաբթի օրը ժամանել է Թեհրան Պակիստանի պատվիրակության գլխավորությամբ՝ քննարկելու աֆղանական խնդիրը և երկկողմ հետաքրքրություն ներկայացնող այլ հարցեր: Պակիստանի արտգործնախարարին ընդունել է Իրանի նախագահ Էբրահիմ Ռաիսին։ Նա նաև հանդիպել է Իրանի արտգործնախարար Ամիր Աբդոլլահիյանի հետ:
