Ուկրաինայի հատուկ նշանակության ուժերը զորավարժություններ են անցկացրել Խերսոնի շրջանում՝ Ղրիմի հետ սահմանին մոտ: Այդ մասին չորեքշաբթի օրը հայտարարել է Ուկրաինայի պաշտպանության նախարարությունը:
Ռազմական գերատեսչությունը բացատրել է, որ զինվորականների մշտական մարզումները պայմանավորված են ահաբեկչական ոտնձգությունների սպառնալիքի բարձր աստիճան ունեցող կրիտիկական ենթակառուցվածքների օբյեկտների առկայությամբ: Զորավարժություններն անցկացվում են օր ու գիշեր, հայտնել են ՊՆ մամուլի ծառայությունից:
Զորավարժությունները միշտ անցկացվում են իրականին հնարավորինս մոտ պայմաններում՝ Ուկրաինայի անվտանգության ծառայության, Ազգային ոստիկանության, Արտակարգ իրավիճակների պետական ծառայության, Ազգային գվարդիայի, Ուկրաինայի պետական սահմանապահ ծառայության, ինչպես նաև տեղական ինքնակառավարման մաիրմինների հետ համագործակցությամբ։
