Պոմպեյում հնագետները հունական ծագման մասին վկայելող կմախք են հայտնաբերել
Հնագույն Պոմպեյ քաղաքի հնագետները գերեզմանի պեղումների ժամանակ հայտնաբերել են լավ պահպանված կմախք, որը նաեւ լույս է սփռում քաղաքի մշակութային այն կյանքի վրա, որ եղել է նախքան մ.թ. 79թ․ հրաբխի ժայթքումից քաղաքի ավերվելը:
Սպիտակ մազերը եւ ականջի մի մասը, ինչպես նաեւ ոսկորներն ու հյուսվածքների մնացորդները հայտնաբերվել են Պորտա Սարնոյի գերեզմանատան դամբարանում, որը դեռ բաց չէ հանրության համար եւ գտնվում է Պոմպեյի կենտրոնից արեւելք:
Գերեզմանի գրառումը հուշում է, որ դրա սեփականատերը՝ Մարկուս Վեներիուս Սեկունդիոն, օգնել է Պոմպեյում հունարեն լեզվով ներկայացումներ կազմակերպել: Փորձագետների կարծիքով, սա առաջին հաստատումն է, որ լատիներենին զուգահեռ օգտագործվել է նաեւ հունարենը:
