Ռուսաստանի հետ օդային երթևեկության սահմանափակման արդյունքում Թուրքիան կկորցնի ավելի քան երկու միլիարդ դոլար (146,5 միլիարդ ռուբլի): Այդ մասին գրել է տեղական Daily Sabah թերթը:
Պետության ապագա միլիարդավոր դոլարների կորուստների մասին խոսել է Թուրքական տուրիստական գործակալությունների միության տարածաշրջանային ներկայացուցիչների խորհրդի խոսնակ Ֆերիտ Թուրգուտը: Նա ասել է, որ ռուսաստանցիները սահմանափակումների երկարացումից հետո չեղարկելու են ուղեգրերը կամ հետաձգելու են ճանապարհորդությունը դեպի Թուրքիա:
Հարավային Էգեյան ծովի տուրօպերատորների և հյուրանոցատերերի ասոցիացիայի ղեկավար Բյուլենթ Բյուլբյուլօղլուն հույս է հայտնել, որ զբոսաշրջիկների հոսքը կվերսկսվի մինչև հուլիս: Ըստ նրա ՝ կորոնավիրուսի դեմ պատվաստումները կարևոր դեր կխաղան այս խնդրի լուծման հարցում:
