Միջուկային գործարքի վերաբերյալ ԱՄՆ-ի հետ հանդիպման մասնակիցները վճռական են տրամադրված․ ՌԴ մշտական ներկայացուցիչ
Միջազգային «հնգյակի» անդամ երկրների (Ռուսաստան, Մեծ Բրիտանիա, Գերմանիա, Չինաստան և Ֆրանսիա) ներկայացուցիչները Վիեննայում ԱՄՆ պատվիրակության հետ ոչ պաշտոնական հանդիպման ժամանակ վերահաստատել են միջուկային գործարքը վերականգնելու իրենց անվերապահ դիրքորոշումը:
Այս մասին շաբաթ օրը ՏԱՍՍ-ին հայտնել է Վիեննայում միջազգային կազմակերպություններում Ռուսաստանի Դաշնության մշտական ներկայացուցիչ Միխայիլ Ուլյանովը։ Նա գլխավորում է Ռուսաստանի պատվիրակությունը Ավստրիայի մայրաքաղաքում անցկացվող խորհրդակցություններում: Ըստ Ուլյանովի, բանակցությունների հաջող ավարտի ընդհանուր տրամադրվածություն կա, ամերիկացիները հաստատել են այս դիրքորոշումը:
