Apple-ը բախվել է AirPods անլար ականջակալների պահանջարկի անկմանը: Ընկերությունը ստիպված է կրճատել դրանց արտադրության ծավալները, հայտնում է Nikkei Asia-ն՝ վկայակոչելով անանուն աղբյուրներ:
Անլար ականջակալների պահանջարկի աճի տեմպը դանդաղել է 2016 թվականից (երբ ականջակալները ներկայացվեցին) ի վեր առաջին անգամ: Այս կապակցությամբ Կուպերտինոն վերանայել է 2021 թվականի արտադրության ծրագիրը՝ 110 միլիոն միավորից հասցնելով 80 միլիոնի:
Հաղորդվում է, որ ընկերությունը ցանկանում է ականջակալների նկատմամբ հետաքրքրություն առաջացնել AirPods 3-ի շնորհանդեսով:
