ՀՅԴ ԳՄ ֆինանսների հանձնախմբի նախագահ Արմեն Գրիգորյանը իր ֆեյսբուքյան էջում գրել է.
«Նվեր դուխդ կհերիքե՞ր մի քանի հարց տայիր։ Օրինակ.
– Եթե փաստաթուղթ ես ստորագրել, վախեր ունես, կաշկանդումներ ունես և չես կարողանում հրապարակային ասել, որ Շուշին հայկական է, ինչո՞ւ ես ասում ադրբեջանական է։
– Եթե Արցախի հարցի լուծման քո սեփական կետը, Հայաստանի ժողովրդի համար, Արցախի ժողովրդի համար (Նիկոլին չեն ասել, որ նույն ժողովուրդն է) և Ադրբեջանի ժողովրդի համար ընդունելի լինելն է, հիմա ինչո՞ւ է ընդունելի միայն թշնամու համար։
– Եթե ժողովուրդը ձեռքիցդ վերցնի իշխանությունը կկրակե՞ս։ Ինչու՞ է ուսապարկդ կրակելու մասին բաց տեքստով ասում։
– Եթե թիվ մեկ պատասխանատուն ես, ե՞րբ ես պատասխան տալու։
Աստվածաշնչում մի դրվագ կա, երբ Հիսուսին Հուդան մատնում է 20 արծաթով, գալիս և համբուրում է Հիսուսին, իսկ Հիսուսն ասում է՝ համբուրելո՞վ ես ծախում Մարդու որդուն։ Արցախի նկատմամբ արտահայտած սերը այս պատմության նման էր։
– Եթե սիրում էիր Արցախը, ինչո՞ւ էիր պիտակավորել հակահեղափոխական որջ պիտակով կամ ինչու՞ էիր ատում Արցախը։
– Եթե հող չպիտի տայիր, ինչո՞ւ ոչ մի անգամ չարտաբերացիր ազատագրված հայրենիք բառերը, այլ անվանեցիր անվտանգության գոտի։
– Եթե խոստացել էիր, որ երբեք Արցախի հարցով գաղտնի թուղթ չէիր ստորագրի, ինչու՞ գաղտնի գիշերով ստորագրեցիր։
– Ե՞րբ ես հրաժարական տալու։
Բա հարցնեիր կապիտալի իշխանություն կեղծ տերմինը մի քանի անգամ կրկնող Նվեր»։
