TRIPP-ն էլ է խաղաղության ինստիտուցիոնալացման քայլերից,այդ խաղաղությունից բոլոր երկրներն իրենց օգուտները կստանան. Փաշինյան
TRIPP ընկերությունը հիմնադրելու շուրջ բանակցություններն ավարտին են հասնում. ճեպազրույցի ժամանակ ասաց Նիկոլ Փաշինյանը:
«Ոչ մի խոչընդոտ չկա, այսինքն՝ պարզ աշխատանքային գործընթաց է, որը ժամանակ է տանում, և Հայաստանի ու Միացյալ Նահանգների ներկայացուցիչներն իրար հետ աշխատում են»,- ասաց նա:
Նա հայտարարեց, որ խաղաղությանը ոչ մի խոչընդոտ չկա, որովհետև խաղաղությունը հաստատված է:
«Իրադրությունն այն է, որ խաղաղությունը կա, տևում է, ուրիշ բան, որ խաղաղության ինստիտուցիոնալացման ուղղությամբ պետք է քայլեր ձեռնարկենք, և TRIPP-ն էլ է խաղաղության ինստիտուցիոնալացման քայլերից, որովհետև երբ ճանապարհները բացվեն, և տեղի ունենա հաղորդակցություն, ապաշրջափակում, դա շատ ուժեղ երաշխիք է խաղաղության, որովհետև այդ խաղաղությունից բոլոր երկրներն իրենց օգուտները կստանան:
Խաղաղության համաձայնագրի ստորագրման շուրջ աշխատանքները շարունակվելու են, և մենք շարունակում ենք ադրբեջանական կողմի հետ այդ թեմայով աշխատել»,- ասաց նա:
