Բաքվում, Արևմտյան Ադրբեջանի համայնքի նախաձեռնությամբ անցկացվել է «Վերադարձ Արևմտյան Ադրբեջան. պատմական արդարության և մարդու իրավունքների վերականգնում» խորագրով միջոցառում՝ նվիրված Փախստականների համաշխարհային օրվան. հայտնում է Report.az-ը։
Միջոցառմանը մասնակցել են Միլլի Մեջլիսի պատգամավորներ, գիտական և կրթական համայնքի ներկայացուցիչներ, մտավորականներ, Ադրբեջանի Ազգային ժողովի անդամներ և քաղաքացիական հասարակության ներկայացուցիչներ:
ՄԱԿ-ի Փախստականների խորհրդի նախագահ, խորհրդարանի անդամ Ազիզ Ալաքբարլի խոսքով՝ «Ադրբեջանը այն երկրներից մեկն է, որը վերջին տասնամյակներում բախվել է փախստականների և ներքին տեղահանված անձանց ամենածանր խնդրին»։
Արևմտյան Ադրբեջանի համայնքի տնօրենների խորհրդի անդամ, Իրավական հանձնաժողովի նախագահ Զահիդ Ջաֆարովը հանդես է եկել «Վերադարձի իրավական ասպեկտները» թեմայով զեկույցով և միջոցառման մասնակիցների ուշադրությանը ներկայացրել է վերադարձի իրավունքը ճանաչող միջազգային իրավունքի նորմերն ու սկզբունքները:
«Արևմտյան Ադրբեջանի համայնքի մտավորականների խորհրդի անդամ, Միլլի Մեջլիսի պատգամավոր Ռիզվան Նաբիևը վերլուծել է վերադարձի գործընթացի քաղաքական և դիվանագիտական ասպեկտները և ընդգծել միջազգային մակարդակով իրականացվող գործունեության կարևորությունը:
Ելույթներում նշվել է, որ Արևմտյան Ադրբեջանի հարցը ոչ միայն պատմական արդարության վերականգնման, այլև միջազգային իրավունքով ճանաչված մարդու հիմնարար իրավունքների ապահովման հարց է։
Եզրափակելով՝ ընդգծվել է, որ Արևմտյան Ադրբեջան վերադարձի հայեցակարգում նշված նպատակների իրականացումը կծառայի պատմական արդարության վերականգնմանը, մեր հայրենակիցներին իրենց հայրենի հողերի հետ վերամիավորելուն և տարածաշրջանում երկարատև խաղաղության ամրապնդմանը»,- գրել է Report.az-ը։
