Քիչ առաջ բերման ենթարկվեց «Ուժեղ Հայաստան» կուսակցության անդամ Գոհար Ղումաշյանը. Facebook–ի իր էջի ուղիղ եթերում հայտարարեց նույն կուսակցության անդամ, սահմանադրագետ Գոհար Մելոյանը։
«Գոհար Ղումաշյանը նորածին երեխայի մայր է, էլ չբացատրենք, թե ինչ անհեթեթ ու ապօրինի հիմքերով է գործընկերուհոս նկատմամբ նման ճնշումը։ Հերթական վախերի դրսևորումն է։ Հիմա մենք ուղևորվում ենք դեպի Մոսկովյան 1 հասցե»,– ասաց նա։
«Ուժեղ Հայաստան» կուսակցության անդամ Ալիկ Ալեքսանյանը հայտարարել է. «Հիմա գտնվում եմ հակակոռուպցիոն կոմիտեի դիմաց, անհեթեթ հոդվածով, քիչ առաջ ձերբակալեցին մեր ընկերոջը՝ Ղումաշյան Գոհարին։ Ուզում եմ նշել, որ Ղումաշյան Գոհարի փոքրիկը 40 օրականից վերջերս նոր դուրս է եկել։ Սա է պատկերը այս վախկոտ իշխանությունների, ընկնում են անգամ կանանց հետևից, ապօրինի ձերբակալություններով։
Քիչ առաջ հասել ենք և հավաքվում ենք հակակոռուպցիոն կոմիտեի դիմաց, փորձում ենք հասկանալ ինչ է կատարվում և այս վախկոտ իշխանականները ինչով են զբաղված»։
Մեծ Հանրահավաքից հետո Փաշինյանի խուճապի հերթական դրսևորումը։ Սամվել Կարապետյանից վախեցած Փաշինյանը իրավապահներ է ուղարկել՝ բերման ենթարկելու կրծքով կերակրող, բազմազավակ մորը` Ուժեղ Հայաստան կուսակցության անդամ Գոհար Ղումաշյանին։ Փաշինյան, Հայաստանը չի՛ դառնա Ադրբեջան. ֆեյսբուքյան էջում գրել է Նարեկ Կարապետյանը։
