Այսօր առավոտյան հայ ժողովուրդն իրազեկվեց «պատմական» մի իրադարձության մասին՝ Աննա Հակոբյանը բաժանվում է ամուսնուց (ով ՀՀ գործող վարչապետն է) և հեռանում․․․
Իհարկե, դա նրա անձնական գործն է և, մեծ իմաստով, ոչ էլ հետաքրքիր է, բայց․․․
Մի՞թե ողջամիտ է կամ տրամաբանական՝ յոթ–ութ տարի լինել հանրապետությունը միանձնյա ղեկավարող պաշտոնյայի կողքին, մասնակցություն ունենալ երկրի համար բազմաթիվ բախտորոշ իրադարձությունների, տիրապետել անթիվ–անհամար պետական գաղտնիքների և հանկարծ ասել՝ գնում եմ․․․
Իսկապես, մի՞թե ողջամիտ է ու տրամաբանական այդ ամենը։
Անշուշտ, հարցի պատասխանը երկրի անվտանգության խնդիրներով զբաղվող պետական մարմինների տիրույթում է։
Տեղի ունեցողին, սակայն, Սյունիքում նաև այլ տեսանկյունից են մոտենում․․․
Նախ՝ հեռացող առաջին տիկնոջ անվան հետ են կապվում Սյունիքում վերջին տարիներին կատարված մի շարք իրադարձություններ կամ զարգացումներ։
Դրանց ճիշտ կամ սխալ լինելու մասին չենք կարող դեռևս պնդումներ անել, բայց, համոզված ենք, ժամանակի ընթացքում լույս կսփռվի շրջանառվող հարցերից յուրաքանչյուրի վրա։
Այդուհանդերձ, հարցերից մեկի մասին պատշաճ ենք համարում բարձրաձայնել հիմա։
Աննա Հակոբյանի սյունիքյան դերակատարության ենթադրյալ դրվագներից մեկն էլ կապված է Գորիսի երկու քոլեջի վերացման հաշվին ստեղծված նոր կրթօջախի տնօրենի պաշտոնակատարի նշանակման հետ։
Այդ նշանակումը գուցե և բնական համարվեր ու տարակույսների տեղիք չտար, եթե նորանշանակի ղեկավարման իրավունքի՝ հավաստագրի կեղծված լինելու վարկածն օրակարգում հայտնված չլիներ ի սկզբանե, ինչը մոտ ապագայում կքննարկվի ՀՀ վարչական դատարանում։
Նման ասեկոսեի բազմաթիվ հիմքերից մեկն էլ նորանշանակ ֆեյքի քանիցս ցուցադրած սնապարծությունն է, թե ջերմ կապեր ունի Աննա Հակոբյանի հետ․․․
Ու երբ նորանշանակ ֆեյքին գործընկերները դիտողություններ են անում արդեն իսկ թույլ տված և տրվող մի շարք ապօրինությունների, անհեթեթ գործողությունների վերաբերյալ՝ իր «ուժեղ մեջքի» մասին է հիշեցում անում։
Անկեղծորեն՝ չենք ուզում հավատալ այդ ասեկոսեներից և ոչ մեկին։ Բայց մեր հավատալ–չհավատալը չի կարող նշանակություն ունենալ այս պատմության մեջ։
Ակնկալում ենք տիկին Աննայի պարզաբանումը․ նրան կհավատանք, եթե ինքը հերքի, թե կապ է ունեցել կեղծված հավաստագրով անձնավորությանը քոլեջի տնօրենի պաշտոնակատար նշանակելու ծաղրուծանակի հետ։
Այո, նրան կհավատանք և մեր լրագրողական հետաքննությունը կտանենք այլ ուղղությամբ՝ պարզելու ի վերջո՝ ո՞ւմ հանձնարարությամբ կամ անձնական ի՞նչ շահի գնով է Ժաննան կեղծ հավաստագրով անձնավորությանը նշանակել Գորիսի նորաստեղծ քոլեջի տնօրենի պաշտոնակատար՝ այդկերպ գերազանցելով ԿԳՄՍ նախարարի լիազորությունները։
Աղբյուրը՝ syuniacyerkir.am
