Երբ ասում են, որ անվտանգություն ասելիս առաջին տեղում բանակն է, երկրորդ տեղում բանակն է, երրորդ տեղում բանակն է, նշանակում է չկա անվտանգություն։ Այս մասին այսօր՝ դեկտեմբերի 30–ին, Կիրանցի հայտնի պատի մոտ բնակիչների հետ հանդիպման ժամանակ հայտարարեց Նիկոլ Փաշինյանը։
«Որովհետև դու ինչքան էլ ուժեղ բանակ ունենաս, կգտնվեն ուրիշ երկրները, որոնք ավելի ուժեղ բանակ ունեն։ Հետևաբար բանակը, որպես անվտանգության կոմպոնենտ, եթե առաջինն է, պետք է դարձնել երկրորդը, եթե երկրորդն է, պետք է դարձնել երրորդը, եթե երրորդն է, պետք է դարձնել չորրորդը, այսինքն ինչքան բանակի նշանակությունը հետ է, այնքան երկիրը անվտանգ է։
Հիմա մեր անվտանգության առաջին կոմպոնենտը Կիրանցի այս պատն է, որովհետև երբ այս պատը չկար, Կիրանցը ավելի վտանգավոր էր, քան անվտանգ։
Նա հիշեցրեց, որ Սյունիքի սահմանամերձ գյուղերում մարդիկ իրեն հարցնում էին, թե իրենց մոտ երբ է սահմանազատում լինելու այնպես, ինչպես Կիրանցում։
«Մենք անընդհատ ասում ենք՝ իրական Հայաստան, իրական Հայաստան, և գալիս ենք Կիրանց, որպեսզի ցույց տանք, թե իրական Հայաստան ասելով, ի՞նչ նկատի ունենք»։
