Քաղաքագետ Արա Պողոսյանը գրում է. «Սամվել Կարապետյանի կալանավորման փաստը արդեն իսկ խոսում է Հայաստանում Սահմանադրական կարգի ոչնչացման մասին` գործադիր և դատական իշխանությունների տարանջատման սկզբունքը ակնհայտորեն խախտված է։ Այսպիսի բացահայտ անարդարությունն ուղղակի պատկերացումից վեր է։
Բայց այստեղ խնդիրը հենց հայ մեծահարուստների մեջ է նաև և դրա մասին ես բազմիցս խոսել եմ։
Հայ մեծահարուստների թիվ մեկ հրամայականը ո‘չ թե բարեգործություն անելը պետք է լիներ, այլ ռազմավարական էլիտայի համար կադրեր աճեցնելը և ի վերջո երկրում ռազմավարական էլիտայի ձևավորումը, ինչը երկարաժամկետ հեռանկարում կապահովեր Հայաստանի զարգացումն ու հզորացումը։
Այդ պարագայում, իսկապես` Հայաստանում բարեգործությունների կարիքը կվերանար և երկրի համար առաջնահերթություն կլիներ մեծահարուստների թվի մեծացումը, միջին խավի հզորացումը և աղքատության լիովին հաղթահարումը։
Բայց, հայ մեծահարուստները ցավոք չեն սիրում ներդրում կատարել անհատների վրա, այլ սիրում են կարճաժամկետ հեղինակություն բերող, տեսանելի և շոշափելի շահերը։
Հույս ունեմ, սա դաս կլինի, որ այսուհետ ներդրում կատարվի ռազմավարական էլիտաների ձևավորման վրա…»։
