Իրանի արտաքին գործերի նախարար Աբբաս Արաղչին նամակ է հղել ՄԱԳԱՏԷ-ի գլխավոր տնօրեն Ռաֆայել Գրոսիին, հայտնել է Իրանի ԱԳՆ-ն, տեղեկացնում է Foxnews-ը:
Նշվում է, որ Արաղչին կոչ է արել դատապարտել Իսրայելի հարվածներն Իրանի միջուկային օբյեկտների վրա։
Արաղչին ընդգծել է Իրանի վճռականությունը՝ հատուկ միջոցներ ձեռնարկելու միջուկային սարքավորումների և նյութերի պաշտպանության ուղղությամբ՝ հավելելով, որ Իրանի Իսլամական Հանրապետությունը վճռական պատասխան է տալու ագրեսիայի ակտին։
Նախարարը նաև դիմել է գլխավոր տնօրենին՝ պահանջելով անհապաղ քայլեր ձեռնարկել ՄԱԳԱՏԷ-ի կառավարիչների խորհրդի արտահերթ նիստ հրավիրելու համար՝ ստեղծված իրավիճակը քննարկելու նպատակով։
