Որոշման մասին Հունգարիայի կառավարությունը հայտարարել էր այս ամսվա սկզբին, երբ Բուդապեշտ էր ժամանել Իսրայելի վարչապետ Բենիամին Նեթանյահուն, որին ձերբակալելու օրդեր է տրվել Միջազգային քրեական դատարանի կողմից։ Լինելով այդ դատարանի անդամ՝ Բուդապեշտը պարտավոր էր կատարել դատարանի որոշումն ու կալանավորել Նեթանյահուին։ Սակայն, Հունգարիայի վարչապետն անձամբ էր վստահեցրել, որ Իսրայելի վարչապետը իր երկրում չի ձերբակալվելու։
Հունգարիայի խորհրդարանը Իսրայելի արտգործնախարար Գիդեոն Սաարի ծափահարությունների ներքո քվեարկել է Հաագայի Միջազգային քրեական դատարանից դուրս գալու օգտին, գրում է The Times of Israel-ը։
Արտգործնախարար Գիդեոն Սաարն արտահայտել է իր հավանությունը՝ նշելով. «Շնորհակալություն, Հունգարիա, ձեր հստակ բարոյական դիրքորոշման համար»։
Հունվարին Սաարը Բուդապեշտ կատարած դիվանագիտական այցի ընթացքում հանդիպել է իր հունգարացի գործընկեր Պետեր Սիյարտոյի հետ, որի ընթացքում նա գովաբանել է Հունգարիային՝ անցյալ տարի վարչապետ Բենիամին Նեթանյահուի դեմ Միջազգային քրեական դատարանի արձակած միջազգային կալանքի հրամանագիրը չկատարելու որոշման համար։
Այս ամսվա սկզբին, նախքան Հունգարիա կատարած այցի ընթացքում վարչապետ Վիկտոր Օրբանի հետ Նեթանյահուի հանդիպումը, Բուդապեշտը հայտարարել է դատարանից դուրս գալու մասին։
Անցյալ շաբաթ իսրայելցի պաշտոնյաները դատապարտել են ՝ Գազայում ռազմական հանցագործությունների համար Իսրայելի վարչապետի և նախկին պաշտպանության նախարար Յոավ Գալանտի ձերբակալման հրամագրերը կասեցնելու խնդրանքը մերժելու Միջազգային քրեական դատարանի որոշումը։
