Այս վերնագրով է գերմանական taz-ը իր «Պատերազմ եւ խաղաղություն» խորագրով սյունակում ապրիլի 24-ին անդրադարձել Բեռլինի Մաքսիմ Գորկի թատրոնում նույն օրը բացված Նազիկ Արմենակյանի ցուցահանդեսին, որ «100 + 10 Հայկական Այլաբանություններ» միջազգային փառատոնի շրջանակներում է: «Հայոց ցեղասպանությունից ավելի քան 100 տարի անց ճնշումը շարունակվում է. Գորկի թատրոնում անցկացվող փառատոնը նպատակ ունի պահպանել մշակույթը: Թվում է, թե 110 տարին բավական է խաղաղություն հաստատելու և գոյատևելու համար: Թերևս այդպես կլիներ, եթե պատմությունը չկրկնվեր: Բայց այն կրկնվում է: Ավելի քան 30 տարի Ադրբեջանը փորձում է մաքրել Արցախն՝ իր հայ բնակչությունից: 2023 թվականին Ադրբեջանը կարողացավ հասնել այդ նպատակին: Արցախի հայ բնակչությունը՝ 120.000 մարդ, բռնի տեղահանվեց, դարձավ փախստական», գրում է taz-ը:
ԱՆԱՀԻՏ ՀՈՎՍԵՓՅԱՆ
Գերմանիա
Նկարում՝ Նազիկ Արմենակյանի «Կարմիր, սեւ, սպիտակ» շարքից, 2021 թվական
