Շորի էս հատվածը բարձրացրել են մինչև գլուխը, ծածկել ու սկսել ապտակել. հետքերը երևում են

Արցախցի Տիգրան Ուլուբաբյանն այսօր կանչվել էր Քննչական կոմիտե՝ լրացուցիչ հարցաքննության։

Հիշեցնենք, որ երեկ՝ մարտի 19-ին, ՔԿ-ի դիմաց հավաքվել էին իրավապաշտպաններ, արցախցիներ, քաղաքական գործիչներ՝ ՔԿ-ից պահանջելու Տիգրան Ուլուբաբյանի վկայությունների հիման վրա պատասխանատվության ենթարկել այն ոստիկաններին, որոնք Վանաձորի բաժնում խոշտանգման են ենթարկել Տիգրանին։

Փաստաբան Ռոման Երիցյանը 7 օր առաջ հրապարակել է Տիգրան Ուլուբաբյանի հետ կատարվածը. Տիգրանի բարեկամի տուն 2 դիմակավորված անձինք են մտել, զենքի սպառնալիքով հափշտակել ոսկեղենը։

Ոստիկանության Վանաձորի բաժին գնացած Տիգրանին 6 ոստիկան սկեսել են ծեծել, հայհոյել։ Նա հարցրել է՝ ո՞րն է պատճառը, նրանք ստիպել են, որ իր բարեկամի տան գողությունը Տիգրանն իր վրա վերցնի։ Նա հրաժարվել է։ Ոստիկաններն սկսել են բռնության ենթարկել։ Տիգրանն ասել է, որ իր հայրն ու եղբայրը զոհվել են արցախյան պատերազմում, իսկ ինքը 44-օրյա պատերազմի մասնակից է։ Ոստիկանները, ինչպես պատմում է Տիգրանը, հայհոյել են նաև նրա զոհված հարազատներին։

Փաստաբան Ռոման Երիցյանի խոսքով՝ այս ամենը, նաև Տիգրանի հագուստը, որի վրա երևում են խոշտանգման հետքեր, իրեղեն ապացույց են, որ 6 ոստիկանների նկատմամբ քննություն սկսվի։

Քկ-ն ոչինչ չի արել, բայց այսօր Տիգրանին կանչել է լրացուցիչ հարցաքննության։

Մանրամասները՝ տեսանյութում.