Ադրբեջանի արտգործնախարար Ջեյհուն Բայրամովը և Վրաստանի արտգործնախարար Մակոյ Բոչորիշվիլին ընդլայնված կազմով հանդիպում են ունեցել. ասվում է «X» սոցիալական ցանցում Ադրբեջանի ԱԳՆ հրապարակման մեջ։
Հանդիպմանը քննարկվել են Ադրբեջանի և Վրաստանի միջև ռազմավարական գործընկերության քաղաքական, պաշտպանական, տնտեսական, էներգետիկ, տրանսպորտային, կապի և հումանիտար ուղղությունները, ինչպես նաև փոխադարձ հետաքրքրություն ներկայացնող տարածաշրջանային և միջազգային անվտանգության հարցեր:
Ջեյհուն Բայրամովն իր գործընկերոջը տեղեկացրել է «տարածաշրջանում հետկոնֆլիկտային վերակառուցման գործընթացների, խաղաղության ջանքերի, ինչպես նաև կայուն խաղաղ գործընթացի ճանապարհին առկա խնդիրների մասին»։
