Այկիդոն ճապոնական մարտարվեստ է, որի հիմքում ընկած են հարյուրամյակների պատմություն ունեցող ճապոնական մարտարվեստներն ու փիլիսոփայական ուսմունքները: Հայաստանում Այկիդոն հիմնադրել է Արմեն Ավետիսյանը (2004թ.), որ ներկայում հանդիսանում է նրա նախագահը: Ֆեդերացիան 20 տարի գործում եւ ընդլայնում է միջազգային կապերը՝ ավելի ճանաչելի դարձնելով Հայաստանի այկիդոյի որակն ու մակարդակը: Հայաստանում պարբերաբար կազմակերպվում են սեմինարներ, որոնց շրջանակներում սենսեյ Ա. Ավետիսյանը պարապմունքների շնորհիվ մասնակիցներին ծանոթացնում է հնագույն ճապոնական մարտարվեստի նոր տեխնիկաներին:
Հարկ է նշել, որ ճապոնական մարտարվեստի զարգացման համար միջազգային սեմինարների կազմակերպումը կարեւոր նշանակություն ունի: Ֆեդերացիայի նախագահ Ա. Ավետիսյանը արժանացել 6-րդ դանի, իսկ փոխնախագահ Արմեն Խոջայանը՝ 5-րդ դանի: 2024 թ. նոյեմբերի 4-6 Երեւանում կայացավ երեխաների համար այկիդոյի սեմինար՝ Մագնիտոգորսկի այկիդո այկիկայ ֆեդերացիայի նախագահ Իգոր Տրիֆանովի (սեւ գոտի 5-րդ դան) ղեկավարությամբ: Այն մեծ հետաքրքրություն առաջացրեց եւ, անտարակույս, կնպաստի մեր երկրում մարտարվեստի հետագա զարգացմանը: Կարծում եմ՝ հետագայում հաշվի առնելով մեր տարածաշրջանում զարգացումները՝ Հայաստանում առավել մեծ ուշադրություն կհատկացվի ճապոնական մարտարվեստի վերելքին:
ՍՏԵՓԱՆ ՊԱՊԻԿՅԱՆ
