12-ամյա ՖԻԴԵ-ի վարպետ Սամուել Սեւյանը դարձավ ԱՄՆ-ի մինչեւ 20 տարեկան պատանիների շախմատի առաջնության 2-րդ մրցանակակիր: Սենթ Լուիս քաղաքում անցկացված մրցաշարում հայ պատանին 9 հնարավորից վաստակեց 6 միավոր եւ արժանացավ 2000 դոլար պարգեւավճարի: Նա լրացուցիչ գործակիցներով առաջ անցավ նույնպիսի արդյունքի հասած Լուկ Հարմոն-Վելոտիից: Սեւյանն ընդամենը կես միավոր զիջեց մրցաշարի հաղթող Դանիել Նարոդիցկուն:
Սամուել Սեւյանը հաղթանակներ տոնեց Լուկ Հարմոն-Վելոտիի, Աթիլիա Շեթի, Կայդեն Տրոֆի եւ Սարահ Չիանգի նկատմամբ, հաշտություն կնքեց Ռոբերտ Պերեսի, Ջեֆրեյ Քսիոնգի, Դանիել Նարոդիցկու եւ Վիկտոր Շենի հետ պարտիաներում: Միակ պարտությունը Սեւյանը կրեց մեկնարկային տուրումՙ զիջելով Յան Լիոուին:
