Գազայի հատվածի կենտրոնական Ազ-Զավայդա շրջանի վրա իսրայելական հարձակման հետևանքով առնվազն 15 մարդ է զոհվել, այդ թվում՝ երեխաներ։
Ինչպես հաղորդում է Al Jazeera հեռուստաալիքը, Իսրայելը հարվածներ է հասցրել պահեստին, որտեղ տեղակայված են եղել պատերազմի հետևանքով տեղահանված մարդիկ։ Հաղորդվում է, որ հարձակման հետևանքով մի ամբողջ ընտանիք է սպանվել։
Բացի այդ, հարվածներ են հասցվել նաև Ազ-Զավայդայից ոչ հեռու գտնվող Նուսեյրաթ փախստականների ճամբարի մոտակա տներից մեկին։ Հարձակման հետևանքով զոհվել է առնվազն վեց մարդ, այդ թվում՝ երկու երեխա: Նշվում է, որ կան վիրավորներ, որոնք տեղափոխվել են Ալ-Ավդա հիվանդանոց։
