Բուլղարիայի Ազգային ժողովի նախագահ է ընտրվել 38-ամյա հայազգի փաստաբան Ռայա Նազարյանը՝ հաղթելով երեք մրցակից թեկնածուներին: Քվեարկությանը մասնակցել է 237 պատգամավոր, որից կողմ են քվեարկել 131-ը, դեմ՝ 66-ը, ձեռնպահ՝ 39-ը:»: Սրա մասին հաղորդում է Չեխիայում լույս տեսնող «Օրեր» համաեվրոպական ամսագիրը՝ հղում տալով բուլղարական լրատվամիջոցներին: Ռայա Նազարյանը Բուլղարիայի Ազգային ժողովի 67-րդ նախագահն է: Նա ծնվել է 1985 թվականի սեպտեմբերի 16-ին Վառնա քաղաքում, Նազար Նազարյանի ընտանիքում: Հայտնի փաստաբան է, ГЕРБ-СДС կուսակցության անդամ, ամուսնալուծված է, ունի մեկ երեխա:
Ռայա Նազարյանի ընտրությունն արդեն շնորհավորել է Եվրոպայի հայերի միության նախագահ Արթուր Հովհաննիսյանը (Պլովդիվ):
«Ազգ»ը միանում է շնորհավորանքներին:
Ան. Հ.
