Սիդնեյի Հայկական բարեգործական ընդհանուր միության հրատարակությամբ լույս տեսնող «Միութիւն» ազգային, քաղաքական եւ մշակութային ամսաթերթի այս տարվա մայիսյան համարը տեղեկացնում է, որ Ուիլոբիի քաղաքապետ Փաթ Րայլիի եւ քաղաքապետարանի նախաձեռնությամբ վերջերս տեղի են ունեցել հիշատակի ծիսակատարություն եւ խաչքար-հուշարձանի բացման արարողությունՙ նվիրված Հայ եկեղեցվո Ավստրալիայի եւ Նոր Զելանդիայի հայոց թեմի հանգուցյալ առաջնորդ Աղան արք. Պալիոզյանի:
Նույն աղբյուրը հաղորդում է, որ հունիսի 15-ից 23-ը Ուիլոբիի Համազգային մշակութային կենտրոնում բացվելու է ավստրալահայ արվեստի գործիչների եւ լուսանկարիչների ստեղծագործությունների 9-րդ ցուցահանդեսըՙ հովանավորությամբ Ավստրիալիայի եւ Նոր Զելանդիայի հայոց թեմի առաջնորդ Հայկազուն եպս. Նաճարյանի: Երկու տարին մեկ անցկացվող ցուցահանդեսն այս անգամ նվիրված է լինելու Ավստրիալիայում Համազգային կրթական եւ մշակութային ընկերության հիմնադրման 50-ամյակին:
