Ռուսաստանի Դաշնությունը կշարունակի աշխատել Հայաստանի հետ՝ հստակեցնելու Երևանի դիրքորոշումը ՀԱՊԿ-ի վերաբերյալ և ակնկալելով, որ երկու երկրի միջև հարաբերությունները կշարունակվեն գործընկերության ոգով. հայտարարել է նախագահի մամուլի քարտուղար Դմիտրի Պեսկովը։
«Մենք կշարունակենք աշխատել Հայաստանի հետ, կհստակեցնենք նրանց դիրքորոշումը, իհարկե, հուսով ենք, որ ամեն դեպքում հավատարիմ կմնանք գործընկերային և դաշնակցային հարաբերություններին»,- ասել է Պեսկովը՝ պատասխանելով ՀՀ վարչապետ Նիկոլ Փաշինյանի՝ ՀԱՊԿ-ից Հայաստանի դուրս գալու մասին հարցին։
«Յուրաքանչյուր երկիր ինքն է որոշում իր առաջնահերթությունները, մեր առաջնահերթությունները լավ են հասկանում, մենք հետևողականորեն պաշտպանում ենք դրանք, և այդ առաջնահերթությունները հավաքական անվտանգության ոլորտում մեզ հետ կիսում են ՀԱՊԿ անդամ երկրները»,- ասել է ՌԴ նախագահի մամուլի քարտուղարը։
Կրեմլի ներկայացուցիչը նշել է, որ հավանաբար սրանով շահագրգռված է նաև Հայաստանը։
