Վրաստանի Գանձա գյուղում հայ մեծանուն բանաստեղծ Վահան Տերյանի տուն-թանգարանում սկսվել են վերականգնողական աշխատանքները: Այս մասին գրում է jnews.ge-ն:
Պարբերականի տեղեկություններով՝ տարբեր տարիների իրականացվել են մասնակի, հատվածական վերանորոգման աշխատանքներ, սակայն դրանք համակարգային բնույթ չեն կրել։
Տեղեկացվում է նաև, որ մայիսի 3-ին Երևանում տեղի է ունեցել Վահան Տերյանի տուն-թանգարանի վերականգնմանը նվիրված բարեգործական երեկո։
«Ջավախքին աջակցություն» հիմնադրամի տնօրեն Սամվել Մկոյանը նշել է՝ հույս ունի աշխատանքները կավարտվեն մինչև Վահան Տերյանի 140-ամյակը, որը նշվելու է 2025 թվականին:
Այս պահին հավաքվել է 162 հազար դոլար։ Իսկ նախագծի ամբողջ բյուջեն կազմում է 300 000 դոլար, ուստի դրամահավաքը դեռ շարունակվում է։
