Համաձայն դատաբժշկական փորձաքննության արդյունքներիՙ Սյունիքի նախկին մարզպետ Սուրիկ Խաչատրյանի որդուՙ Տիգրան Խաչատրյանի արյան մեջ թմրանյութ է հայտնաբերվել:
Լուրը հաստատել է նաեւ Բուդաղյանների շահերի պաշտպան Հայկ Ալումյանըՙ հավելելով, որ դա արդեն իրողություն է, բոլորը գիտեն այդ մասին, եւ ինքը նախաքննական գաղտնիք չէ, որ հրապարակում է:
Հիշեցնենք, որ Գորիսում հունիսի 1-ին տեղի ունեցած միջադեպից հետո Ավետիք Բուդաղյանը մահացել էր, իսկ նրա եղբայրըՙ Արտակ Բուդաղյանը, հրազենային վնասվածքներով տեղափոխվել Երեւան: Հարուցված գործի շրջանակներում կալանավորվել են Սյունիքի նախկին մարզպետ Սուրիկ Խաչատրյանի որդինՙ Տիգրան Խաչատրյանը եւ թիկնապահ Զարզանդ Նիկողոսյանը, ովքեր «Նուբարաշեն» քրեակատարողական հիմնարկում կմնան մինչեւ նախաքննության փուլի ավարտը: Արտակ Բուդաղյանն արդեն դուրս է գրվել հիվանդանոցից, սակայն ծառայության նա կվերադառնա մի քանի ամիս անց միայն:
