Վրաստանի Ուռեկի քաղաքում ավարտված շախմատի Եվրոպայի գավաթի պատանեկան խաղարկությունում հանդես եկած հայ շախմատիստներից առավել հաջող ելույթ ունեցավ Արսեն Դավթյանը, որը մինչեւ 8 տարեկանների մրցաշարում դարձավ հաղթող: Նա 9 հնարավորից վաստակեց 8 միավոր եւ լրացուցիչ գործակիցներով առաջ անցավ ադրբեջանցի Էլշան Սուլեյմանլիից: Արսենը 9 պարտիաներից 8-ում հաղթեց, իսկ միակ պարտությունը կրեց 7-րդ տուրում Սուլեյմանլիից:
Տարիքային այս խմբում 7,5 միավորով 3-րդ մրցանակակիր դարձավ Ռոբերտ Մուրադյանը: 5-րդ տեղը գրավեց Գոռ Փիլիպոսյանըՙ 6,5 միավոր: Ընդհանուր առմամբ տարիքային այս խմբում Հայաստանը ներկայացրին 12 պատանի շախմատիստներ:
Մինչեւ 12 տարեկան տղաների մրցաշարում 2-րդ տեղը գրավեց Շանթ Սարգսյանը, որը 9 հնարավորից վաստակեց 7,5 միավոր: Շանթը կես միավոր զիջեց մրցաշրջանի հաղթող, ադրբեջանցի Վուղար Ասադլիին, որի հետ ոչ-ոքի էր խաղացել: Հայ շախմատիստն անպարտելի էր: Նա տոնեց 6 հաղթանակ, 3 պարտիա ավարտեց ոչ-ոքի: Տարիքային այս խմբի մրցաշարում Հայաստանից հանդես եկան 13 շախմատիստներ:
Մինչեւ 8 տարեկան աղջիկների մրցավեճում բրոնզե մեդալի արժանացավ Աննա Պողոսյանը: Նա վաստակեց 7 միավոր: Չեմպիոնուհու տիտղոսը նվաճեց վրացի Դիանա Լոմայանՙ հաղթելով բոլոր մրցակցուհիներին, այդ թվում նաեւ Աննային: Նրա հայրենակցուհի Լիլե Գումբերիձեն 8 միավորով զբաղեցրեց 2-րդ տեղը:
