Մարտի 13-ին ԱՄՆ-ից փաստաբան Այնուր Բաղիրզադեն (Aynur Baghirzade) X-ի հարթակում հետեւյալ գրառումն արեց՝ «Զանգեզուրի միջանցքը Հայաստանը կկտրի Իրանից, 8 գյուղերի վերադարձը՝ Վրաստանից, ՀՀ-ի մյուս հարեւաններն Ադրբեջանն ու Թուրքիան են: ՀՀ-ն Ադրբեջանի գավառ դարձնելու, տարածաշրջանում խաղաղություն վերահաստատելու գեղեցիկ նախագիծ է…»: Նրան պատասխանեց հակասեմականության դեմ պայքարող կանադացի հրեա Ռախելի Լեահը (Racheli Leah): «Քաջ հասկանում ես, որ խոսում ես Հայոց ցեղասպանության մասին՝ փառաբանելով այդ ցեղասպանությունը»: Բաղիրզադեն հակադարձեց՝« խոսքս խաղաղ հարեւանի մասին է, որ ռազմական հարձակման ծրագիր չունի», ինչն արժանացավ Ռախելի հարվածին «դրա մասին չես խոսում: Փառք աստծո, որ դու այն մարդը չես, որ նման ցեղասպան որոշում կայացնես»: «Նախ կարդա, թե գենոցիդն ինչ է»: Բաղիրզադեի վերջին պատասխանը բոլոր ժխտողների լեզվի տակ է, երբ էլ փաստարկ չեն ունենում:
ԱՆԱՀԻՏ ՀՈՎՍԵՓՅԱՆ
