Երեւանի քաղաքապետ Տարոն Մարգարյանի նախաձեռնությամբ օգոստոսի 1-31-ը քաղաքապետարանի ենթակայության բուժհաստատություններում մայրաքաղաքի բնակչության համար կանցկացվի անվճար բուժօգնության ակցիա հետեւյալ ուղղություններով` սիրտ-անոթային հիվանդությունների հետազոտություն ու մասնագիտական խորհրդատվություն հիվանդներին, գինեկոլոգիական հիվանդությունների հետազոտություն եւ վիրահատություն, ինչպես նաեւ ուլտրաձայնային հետազոտության միջոցով վահանաձեւ գեղձի հիվանդությունների վաղ հայտնաբերում:
Երեւանի քաղաքապետարանից տեղեկացանք, որ ակցիայի օրերին համապատասխան բուժօգնություն ստանալու համար անհրաժեշտ է դիմել սպասարկող համաբուժարանի տեղամասային թերապեւտին կամ ընտանեկան բժշկին: Առաջին անգամ դիմող անձինք պետք է ներկայանան անձնագրով:
Համաբուժարանում անցնելով համապատասխան հետազոտություններ, ըստ անհրաժեշտության, հիվանդները կուղեգրվեն համապատասխան լրացուցիչ հետազոտությունների եւ ստացիոնար բուժման:
