Երեկ հանդիսավոր պայմաններում եւ մեծաշուք արարողություններում, ձեռամբ Ամենայն հայոց հայրապետ Գարեգին Բ կաթողիկոսի օծվեց Ռուսաստանի մայրաքաղաքի սրտում կառուցված առաջնորդանիստ Սբ Պայծառակերպություն տաճարըՙ հարակից եկեղեցակրթական շինություններով, ներկայությամբ ՀՀ եւ ԼՂՀ նախագահների, Մոսկվայի եւ Համայն Ռուսիո Կիրիլ պատրիարքի, պետական ու պաշտոնական անձանց, եկեղեցու բարերարների եւ ստվար բազմության:
«Ազգը իր ընթերցողներին տարիներ շարունակ բազմաթիվ հոդվածներով ու հարցազրույցներով ծանոթացրել է եկեղեցական այդ կարեւոր համալիրին, Ռուսաստանի մայրաքաղաքում նրա նշանակությանը, ծավալելիք գործունեությանը, հետեւաբար այսօր կարիք չենք զգում մանրամասնորեն անդրադառնալու այդ հոյակապ կառույցին, որի գլխավոր ճարտարապետը (ի դեպՙ այդ առթիվ Մայր աթոռից մեր ստացած պաշտոնական հաղորդագրության մեջ նշված չէ նրա անունը) Արտակ Ղուլյանն է:
