Իսրայելի պաշտպանության բանակի գլխավոր խոսնակ Դանիել Հագարին հայտարարել է, որ իսրայելցի զինվորականները կգործեն «Մերձավոր Արևելքի ցանկացած վայրում», Գազայի հատվածում շարունակվող պատերազմի և Լիբանանի սահմանին հաճախակի բախումների ֆոնին: Այս մասին գրում է timesofisrael.com-ը:
«Մենք միշտ նայում ենք մեր շուրջը՝ Մերձավոր Արևելքի ամբողջ տարածքում», – ասել է Հագարին:
«Իսրայելական բանակը կգործի Մերձավոր Արևելքի ցանկացած վայրում՝ Իսրայելի անվտանգության նպատակներն իրականացնելու համար։ Մենք բարձր պատրաստվածություն ունենք բոլոր ասպարեզներում», -ասել է նա։
Իսրայելի պաշտպանության բանակը նաև հայտարարել է, որ ավարտում է Գազայի հատվածում «խոշոր ցամաքային գործողության» նախապատրաստական աշխատանքները և շարունակում է լայնածավալ ավիահարվածներ իրականացնել անկլավում ահաբեկչական օբյեկտների վրա:
Հայտարարության մեջ Իսրայելի պաշտպանության բանակը նշել է, որ պատրաստ է «ընդլայնել հարձակումը»՝ իրականացնելով «հարձակողական օպերատիվ պլանների լայն շրջանակ», որը ներառում է «համատեղ և համակարգված հարձակում օդից, ծովից և ցամաքից»:
