Ստեփանակերտում մեկնարկել է մինչեւ 16 տարեկան հանդբոլիստուհիների Հայաստանի առաջնության եզրափակիչ փուլը: Չեմպիոնի կոչումը վիճարկում են 6 թիմեր:
Մեկնարկային 2 հանդիպումներում մրցակիցների ուժերն անհավասար էին: ՀՄԴ-ի թիմը մեծ առավելությամբ հաղթեց Աջափնյակի հավաքականին (46-13), իսկ Վանաձորի ընտրանին պարտության մատնեց ԽՄՕՄՄ-ի հավաքականին (44-10): Իսկ ահա Շենգավիթի եւ Արցախի հավաքականների մրցավեճն անցավ լարված պայքարում: Ի վերջո 2 միավորի տարբերությամբ (20-18) հաղթեցին արցախցիները:
Մրցումների 2-րդ օրը կենտրոնականը Շենգավիթի եւ Վանաձորի հավաքականների հանդիպումն էր: Խաղավարտից 30 վայրկյան առաջ հաշիվը հավասար էրՙ 16-16: Վերջին վայրկյաններին շենգավիթցիները կորզեցին հաղթանակը: Մյուս հանդիպումներում գրանցվեցին այսպիսի արդյունքներ. Աջափնյակ-ԽՄՕՄՄՙ 8-28, ՀՄԴ-Արցախՙ 21-11:
Վաստակած 4-ական միավորով աղյուսակը գլխավորում է ՀՄԴ-ի թիմը: 2-ական միավոր են վաստակել Վանաձորի, ԽՄՕՄՄ-ի, Արցախի եւ Շենգավիթի թիմերը: Աջափնյակի թիմը դեռեւս միավոր չունի:
