Հայ հրաձիգների 6 հոգանոց թիմն ավագ մարզիչ Սեյրան Նիկողոսյանի ղեկավարությամբ մասնակցում է Վիննիցայում անցկացվող Ուկրաինայի հրաձգության երիտասարդական առաջնությանը:
Հայաստանի 5 հրաձիգներն էլ հաջող են հանդես եկել նախնական փուլում եւ բարձր արդյունքների շնորհիվ իրավունք են ստացել շարունակելու պայքարը մեդալների համար:
Օդամղիչ հրացան վարժությունում Հրաչ Բաբայանը 595 միավորով զբաղեցրել է 1-ին հորիզոնականը, իսկ Սուրեն Բերյանը խոցելով 590 նիշ, գրավել է 5-րդ տեղը:
Վազող թիրախ վարժության աղջիկների պայքարին մասնակցում էր 10 մարզուհի: Լիլիթ Մկրտչյանը ցույց տալով լավագույն արդյունքը (350 միավոր), գրավեց 1-ին տեղը: Նույն վարժության տղաների մրցապայքարում Արթուր Պետրոսյանը 545 միավորով 23 հրաձիգների մեջ 8-րդ արդյունքը ցույց տվեց:
Օդամղիչ ատրճանակ վարժությունում Զավեն Իգիթյանը 564 միավորով զբաղեցրել է 4-րդ հորիզոնականը 60 հրաձիգների մեջ:
Մեր 6-րդ ներկայացուցիչըՙ Սուսաննա Հովհաննիսյանը կմասնակցի հրացանով վարժություններին:
