«Գյումրինՙ 2013 թ. ԱՊՀ մշակութային մայրաքաղաք» ծրագրի շրջանակներում հոկտեմբերի 25-29 այստեղ կանցկացվի մանկապատանեկան արվեստի առաջին ինտեգրատիվ հանրապետական փառատոնը: Միջոցառումը, որը կազմակերպել է տեղի «Իմպրոռիթմ» ՀԿ-նՙ ՀՀ մշակույթի նախարարության աջակցությամբ, նպատակ ունի օգնել հաշմանդամություն ունեցող, սոցիալապես անապահով կամ առանց սոցիալական խնամքի մնացած երեխաների ստեղծագործական կարողությունների բացահայտմանն ու հասարակության մեջ նրանց ներգրավմանը, երեխաների շրջանում դրական բարոյահոգեբանական մթնոլորտի ձեվավորմանը:
Փառատոնն անցկացվելու է հինգ անվանակարգերումՙ երաժշտարվեստ, պարարվեստ, կերպարվեստ, դեկորատիվ-կիրառական արվեստ եւ թատերարվեստ: Նախատեսված էր նաեւ «հեռուստանախագիծ» անվանակարգ, սակայն դրա համար ոչ մի հայտ չի ներկայացվել: Կազմակերպիչների տեղեկացմամբ, առաջին փառատոնին հայտ են ներկայացրել եւ մասնակիցներ կլինեն առայժմ միայն Երեւանից, Շիրակի եւ Լոռու մարզերից: Դրանով հանդերձ, մասնակիցների ընդհանուր թիվը 300-ից ավելի կլինի:
